UniSat 2.0 Butkempi Samarqandda davom etmoqda!

Bugun ekipajimiz Samarqanddagi yangi aeroportga qo‘ndi va biz darhol Ulug‘bek rasadxonasiga yo‘l oldik.

Rasadxona qoshidagi Muzeyda bo‘lish va Ulug‘bekning ajoyib asbobi radiusi 40.2 m bo‘lgan sekstantni ko‘rish qizlar uchun juda qiziqarli bo‘ldi, ushbu asbobda XV asrdayoq gorizont ustidagi osmon jismlarining balandligi o‘lchangan (Yevropada bunday hisob-kitoblarni amalga oshirish imkoniyati faqat XVII asrda paydo bo‘lgan).

Bugun – uchirish ishlariga yakuniy tayyorgarlik kuni, ertaga nanosun’iy yo‘ldoshlarni uchirish uchun Navoiy viloyatiga yo‘l olamiz.